طـــــــز X القانون
الحكاية يا جماعة إن عم عنتر زهق من زحمة المرور
وخنقة الشوارع ومشاوير البنزين والصيانة والمرور
وما أدراك ما المرور!!
وبعد أن أصدر قانون المرور الجديد
أتخذ عم عنتر قراره الحاسم وخدها من قاصرها وباع العربية
لكنه كان سعيد لوجود بند فى القانون الجديد
بيلزم سائق التاكسى بتوصيل الزباين لأى مكان بدون إعتراض
وإلا .........
عزيزى قائد السيارة الأجرة ...
• إمتناعك عن نقل الركاب يعرضك لغرامة لا تقل عن 300 جنيه و لا تزيد عن 1500 جنيه .
• قيامك بطلب أجرا أكثر من المقرر يعرضك لغرامة لا تقل عن 300 جنيه و لا تزيد عن 1500 جنيه .
وبيحكيلى عم عنتر عن تانى يوم بعد اصدار هذا القانون
كم كان احساسه الرائع وهو يستوقف سيارة التاكسى بكل إباء وشمم
ويطلب من السائق أن يصل به الى المكان المراد .. وبدون اعتراض !
وبدأ يعتادعم عنتر على هذا السلوك الجميل من السائقين
الى أن حدث ما لم يكن يتوقعه وما لن تتوقعوه انتم أيضاً مثلى !!!!!
ركب عم عنتر السيارة وقال للسائق :- الرحاب لو سمحت
السواق ـ لا أنا مش رايح الرحاب
عم عنتر :ـ أيوة بس أنا رايح !!
السواق :ـ معلش يا استاذ شوف تاكسى تانى
عم عنتر :ـ ليه هوة انت مش شغال ؟ طيب وقفت ليه ؟
السواق : يا استاذ الدنيا زحمة ومشوارك بعيد
عم عنتر :ـ الكلام ده كان زمان بس دلوقتى هتروح !!
السواق:ـ إشمعنى ؟
عم عنتر :_ لأن القانون الجديد بليزمك توصلنى ومش بمزاجك
السواق : قانون ايه ده اللى هيلزمنى !! طب طز فى القانون ، واتفضل انزل
عم عنتر :_ يرتبك !!! طز فى القانون ، بقى كده !!
طيب يبقى انت بقى عايز تدفع الغرامة !!!؟
السواق :ـ غرامة ايه يا افندى انت ، بقلك انزل
عم عنتر :- أنا مش هنزل وابقى قول الكلام ده فى القسم أطلع على القسم بقولك
السواق ْ:_ يا عم انزل بدل ما اعملها معاك وآدى العربية
" واطفئ السائق محرك العربة "
ورينى بقى هتعمل ايه ؟
عم عنتر : فكر للحظات " ماذا يفعل مع هذا البلطجى !!:_
وأدرك أن افضل تصرف ان ينزل من العربية"
أو يفكر فى حل !!!!!"
ثم إلتفت للسائق " طااااااايب ماشى بس بعد كده متعيطش لو لقيت عندك غرامة
تكسر وسطك وابقى افتكر الكلام ده
السواق :-أعلى ما ف خيلك اركبوا وابقى ورينى شطارتك آل قانون آل
أكمل عم عنتر ما حدث وهو فى قمة الحزن والغضب فحاولت تهدئته ولكنه لم يهدئ
طيب يا عم عنتر خلاص يعنى هية جت عليه
ما الصنف ده فى منه كتير !!!
ما هوة واللى زيه هما اللى مودينا فى داهية ، بس انتِ عارفة اكتر حاجة مضايقانى ايه ؟
إيه ؟
إنى مش عايز اعمله محضر !!!!!!
هوة صحيح يستاهل بس لو هعمل محضر هعمل لمين ولا لمين ؟؟؟؟؟؟
وبعدين لو مش هيعرفوا يطبقوا القانون يبقى لازمتوا ايه ؟؟؟؟؟؟؟؟ وعاملينوا لمين ؟؟؟؟
دا قدر يقولى بمنتهى الجرأة طز فى القانون يبقى فاضل ايه ؟؟؟؟؟؟؟؟؟؟
واذا القانون مش محترم يبقى فاضل ايه يحترم ؟؟؟؟؟؟؟؟
لازم نغير من نفسنا الدنيا مش هتتغير غير لما احنا نتغير الاول
مش عايزين السلبيه تبقى عايشه فى دمنا
فكره الموضوع عجبتنى
ومنتطره تعليقاتكو على الموضوع
الجمعة أكتوبر 10, 2008 1:03 pm